Објект "Сончоглед" на улица "Локов" бр.11, во населба Кисела Вода
Објектот "Сончоглед" е од тврда градба. Во состав на објектот е централната кујна, опремена со HASAPP стандарди која секојдневно подготвува храна за сите деца присутни во ‘’ Весели Цветови ‘’ и редовно се дистрибуира по објекти со возило. Објектот располага со вкупна корисна површина до 1523м2 и дворно место од 2757м2. Истиот располага со 8 занимални, 1 кабинет за воспитниот тим, 1 амбуланта, 1 фискултурна сала, 6 административни простории, 3 кујни, 10 санитарни чварови, 3 магацини, 2 перални , 1 котлара и 1 скривница. Просториите се затоплуваат со централно греење. Капацитетот на објектот е 180 деца. Објектот располага со јасли и градинка.
Во јаслениот дел децата се згрижени во една група, но во две одделни простории и тоа: од 9 до 18 и од 18 до 24 месеци. Во групите со деца од јаслена возраст работата негуватели. Во делот градинка децата се воспитуваат и згрижуваат во 7 воспитни групи, и тоа:
- од 2 – 3 години – две групи
- од 3 – 4 години – една група
- од 4 – 5 години – две групи
- од 5- 6 години – две групи
Во подрумските простории на објектот е сместена Главната кујна во која секојдневно се подготвува ручекот и дел од ужинките во сите четири објекти на Установата. Објектот располага со две помошни кујни и една просторија за магацин. Исто така во подрумските простории е сместена и пералната за крупен и ситен веш , во која што се обавува процесот на перење. Дел од градинката (117 м2) во 2003 година се одземени од Установата и се во сопственост на МТСП во кои е сместен "Дневниот центар за децата од улица". Објектот располага со голема дворна површина и детско игралиште.
Телефон за информации: 02/ 2779-662