Вежби за правилен изговор (артикулација) на гласот Л
(од 4-6 годишна возраст)
Почитувани другарчиња, денес ќе ви дадам една едноставна вежба за правилен изговор на гласот Л, како и негова примена во исказ.
При формирање на гласот Л учествуваат: јазикот, долната вилица, мекото непце и гласните жици. Нивната положба е следната: устата е средно отворена, врвот на јазикот е раширен и се потпира на горните алвеоли и предниот дел на тврдото непце
Ајде сега да вежбаме: повторувај по мене јазикот наместете го на внатрешната страна од горните предни запчиња па дури можете и врвот на јазикот нежно да го гризнете:
Слоговна вежба- иницијална положба
- Ла –ла –ла
- Ле –ле –ле
- Ли –ли –ли
- Ло –ло –ло
- Лу –лу -лу
Зборовни вежби
-иницијална положба пред вокалите :
Липа лепак лав локум лук
Лист лебед ластик ловец лути
лимон лесно ланче лопата лушпа
Слоговна вежба – медијална положба
-ала, але, али, ало, алу
-ела, еле, ели,ело,елу
-ила, иле, или, ило, илу
-ола, оле, оли, оло, олу
-ула, уле, ули, уло, улу
Зборовни вежби :
кола коли теле село милува
сила моли пиле мало олук
Мила боли Коле мило
Функционална примена на фонемата Л во исказ:
1.Лавот лови антилопа.
2.Во собата свети ламба.
3.На шпоретот има лонец.
4.Лазо купи нова кола.
5.Мила и Милан седат на клупа.
6.Липата мириса пријатно.
7.Лена пие липов чај.
8.Коле гали пиле.
Еве Ви една песничка за функционална употреба на гласот Л
Ластовичка лета
Летото брзо ни мина,
Ластовичката си замина.
Кон југ таа лета, лет, лет
Кон топол и сончев свет.
Ластовичката лета,
Облакот солзи рони.
Жолти лисја паѓаат
Есента силно ѕвони.
Раскажување по серија слики со примена на глас Л
Л- Лавиринт
Боенка- приказна по слики за усвојување глас Л
