ТЕМА НА НЕДЕЛАТА : ОМИЛЕНИ ПРИКАЗНИ, БАСНИ, СКАЗНИ И ПЕСНИ
ДАТА: 03.08.2020 г.
РЕАЛИЗАТОР : ЈУЛИЈАНА ДИМИТРИЕВСКА
АСПЕКТ НА РАЗВОЈ: Физичко здравје и моторен развој.
НАСЛОВ НА ТЕМА: Омилена сликовница, создаваме сликовница
АКТИВНОСТИ:
1. Говорна игра, разговор.
* Потребни материјали:
- слики
- илустрации
- детски сликовници
- Сликовницата е книга со илустрации наменета за деца. Всушност таа е првото ликовно-литературно дело со кое детето се среќава во животот, со која, на некој начин му се отвара прозорец кон надворешниот свет. Затоа е особено важно децата уште од најраната возраст да бидат опкружени со што поголем број квалитетни сликовници.
- Содржината на сликовницата е едноставна и прилагодена на децата според нивната возраст. Приказната во сликовницата може да биде претставена и без текст, односно само со илустрации, или покрај нив да има и текст, но тој е во втор план. Децата ги забележуваат сликите пред говорот, па затоа сликовницата за помладите треба да содржи повеќе слики, а помалку текст, краток и во функција на разбирање на илустрациите.
- Сликовницата може да биде со најразлична содржина (на пр. за околината, за природата, за животните, или некоја фантастична приказна) , но секогаш во неа е вткаена некоја поучна порака за најмаладите. Исто така, тие можат да бидат направени од хартија, картон, различни видови пластика, ткаенина.
- Според изгледот, сликовниците може да бидат во разлицни облици, дводимензионални, тродимензионални, да се отвараат како хармоника, да се отвараат разни прозорчиња со сликички, може да бидат музички.
* Во една добра сликовница треба да се хармонично обединети ликовно-естетските и воспитно-образовните квалитети. Илустрациите треба да ги истакнат суштинските особинина она што се прикажува. Добрата сликовница прилагодена на развојните можности на детето, допринесува за:
- стекнување нови сознанија за светот што го опкружува
- збогатување на речникот и говорните способности
- љубов кон книгата и читањето
- развој на способноста на запазување, вниманието, памтењето, размислување, логичко заклучување, разбирање на причинско-последичните врски меѓу појавите
- збогатување на фантазијата и развој на креативното мислење
- развивање на емоциите и развој на креативното мислење
- усвојување на морални вредности и хумани пораки
- создавање на желба за преработка на доживеаното низ разлицни облици на изразување – пишување, сликање, имитирање во игра на улоги, движење, пеење.
2. Практична, креативна активност
* Потребни материјали:
- картон за корици
- листови во боја
- ножички и лепак
- украсна врвка за врзување
- разни сликички (според темата на сликовницата), боички, стикери или некои други додатоци за украсување
Најнапред се зема картонот за корица и врз него се ставаат другите листови (бели или во боја), се превиткуваат на пола и се прават дупчиња низ кои се протнува лентата која ќе ги држи листовите.
Сликовницата може да биде со разна форма и тематика, на пр. да се залепат сликички со сообраќајни средста, сликички за животните, за морскиот свет или пак детето само да ја нацрта.
На крајот украсете ја корицата, смислете име на сликовницата и секако да не го заборавиме името авторот.
3. Читаме сликовница, говорна игра
https://www.youtube.com/watch?v=gwWzqujvClA
ЦЕЛИ:
- Да се поттикне да држи ножички со едната рака и да сече хартија по зададена линија,
- Да се развива способноста да витка, тутка и лепи хартија и други материјали,
- Да се развива детската фантазија и креативност.