„По успешна сорабтока со Центарот за семејно и детско згрижување КМОП - Македонија, на ден 18.09.2025 година, се оствари средба во просториите на ЈДГ „Весели Цветови" - на општина Кисела Вода во Град Скопје. На средбата присуствуваа: В.Д. Директор на предучилишната установа г-ѓа Емилија Николова, претседателката на КМОП - Македонија, г-ѓа Кристина Василевска, проектен координатор на КМОП, г-ѓа Васка Бојаџи, советник од Одделението за образование при општина Кисела Вода, г-ѓа Валентина Цветковска и соработник - правник г-дин Никола Јовановски, стручен работник - социјален работник од предучилишната установа, г-ѓа Весна Блажевска и воспитувач во предучилишната установа, г-ѓа Габриела Стојановска. На средбата се водеа конструктивни разговори во насока на продлабочување понатамошната соработка, креирање на нови иновативни проектни идеи со цел унапредување на воспитно-образовната дејноста која ќе овозможи квалитетен раст и развој на децата. Големо беше нашето изненадување што претставниците од КМОП - Македонија во знак на плодотворната соработка дадоа голем придонес во вид на донација од работни материјали за децата од предучилишна возраст на нашата установа.
Како предучилишна установа, која секогаш е отворена за соработка, изразуваме огромна почит кон она што како мисија и визија го работат посветените претставници на КМОП - Македонија."