Слушнете го интервјуто на Весна Блажевска за Social Work Spotlight
Стручниот работник - ссоцијелане работник Весна Блажевска од ЈДГ „Весели Цветови" - на општина Кисела Вода во Град Скопје, даваше интервју за Social Work Spotlight podcast. На интервјуто ја објасни состојбата со социјалната работа во нашата држава, но и го истакна нејзиното повеќе од 20 години работно искуство како социјален работник. Таа објасни и дека последните повеќе од 12 години работи во предучилишна установа и дека всушност никогаш повеќе нема да се откаже од работа со деца, семејства и вработени во полето на предучилишното воспитание и образование. Имено, Весна Блажевска, како социјален работник во предучилишна установа има дадено голем придонес во унапредување на воспитно-образовната дејност и позитивна промоција на установата, преку учество на интернационални проекти кои, не само што ги збогатуваат воспитно - образовните содржини, туку и помагаат за поуспешен целокупен раст и развој на децата и професионално усовршување на вработените.
Имено, ова интервју ќе биде споделено насекаде во светот, со што сите заинтересирани ќе имаат можност да слушнат за ЈДГ „Весели Цветови" - на општина Кисела Вода во Град Скопје, како и за важноста на социјалната работа во секој сегмент на заедницата и општеството.