Галерија

Со ракета до далечна планета

ТЕМА НА НЕДЕЛАТА: ВИДОВИ СООБРАЌАЈ

ДАТА: 15.05.2020

РЕАЛИЗАТОР: ЕЛЕНА ГОГОВСКА


 

АСПЕКТ НА РАЗВОЈ:  Когнитивен развој и стекнување на општи знаења.


СТАНДАРД:  Детето демонстрира интерес за учество во разни форми на визуелна креативност.


НАСЛОВ НА ТЕМА: СО РАКЕТА ДО ДАЛЕЧНА ПЛАНЕТА


АКТИВНОСТ:

1. Говорна игра, разговор, обработка на текст.

* Потребни материјали:

  • слики
  • илустрации
  • текст

Што е ракета?

Ракетата е лансирано возило кое се користи за патување и истражување на вселената.

Ракетите можат да патуваат и слетуваат на многу планети во нашиот сончев систем, но и надвор од него.

1

Колку планети имаме во нашиот сончев систем и кои се тие?

Меркур, Венера, Земјата, Марс, Јупитер, Сатурн, Уран и Нептун.

Е сите овие планети можеме да ги посетиме само со ракети.

Обработка на текст.

СО РАКЕТА ДО ДАЛЕЧНА ПЛАНЕТА.

Јас имам шарена ракета. Со неа патувам низ вселената, каде и да посакам, кога и да посакам и посетувам многу нови планети. Еден убав ден од оваа пролет ја посетив планетата Кид. Прекрасна авантура што ќе ја паметам. Кога пристигнав на планетата Кид и се симнав од мојата шарена ракета, таму ме чекаше мојата другарка од оваа планета, таа се вика Ера. Беше многу необична во нејзиниот фустан од бонбони и жолта долга коса. Ера има три очи, четири раце и четири нозе. Ми се приближи и ми рече: здраво, добредојде Ема, ајде да те прошетам низ мојата прекрасна планета. Беше прекрасно, тревата беше од банани, на реката имаше мост од јагоди, а наместо вода течеше чоколаден прелив. Куќите беа изградени од парчиња торта, прозорците од чоколадни лижавчиња а покривите од црвени лижавчиња. Додека љубопитно разгледував наоколу колку е прекрасна оваа планета, Ера ми подари еден фустан од бонбони исто како нејзиниот што го носеше. Шетавме, се забавуваме, ме запозна со нејзините дружељубиви другарчиња а научив и многу нови работи за жителите од планетата Кид. Почна да се стемнува а јас веќе морав да се вратам во мојата ракета и да си го фатам патот накај дома. Ја поканив Ера веќе следниот ден да дојде на мојата планета Земја за да можам и јас да и ги покажам убавините на нашата планета. Се разбира, ќе дојдам рече Ера, и тоа со мојата шарена ракета.

2
3

2. Практична креативна активност:

* Потребни материјали:

  • Хартии во боја
  • Ножици
  • Лепак
  • Фломастери
  • Туба од тоалетна хартија

Изработка на ракета

https://www.youtube.com/watch?v=hLq_bLg-7c0

4


 

3. Цртан Филм

Сказните на Биби: Тајните на планетата Заз.

https://www.youtube.com/watch?v=JuZtveHaOoM

Сказните на Биби: Зази, Зина и планетата Земја.

https://www.youtube.com/watch?v=VDKkbbJBgUU


ЦЕЛИ:

  • Поттикнување на љубопитноста, фантазијата и истражувачкиот дух кај децата.
  • Развивање на визуелната перцепција и негување на креативноста кај децата.

ИНДИКАТОРИ/КОМПЕТЕНЦИИ:

  • Детето декорира разни предмети со цртање.
  • Детето изработува разни предмети.

За Нас

Градинката Весели Цветови започнала со работа во далечната 1945 година во Скопје.

По ослободувањето на нашата земја, на 15 Март 1945 година, Народниот одбор на Скопската околија ја формирала установата "Мирче Ацев". 
Градинката почнала да работи во станбена зграда со 20 деца и 3 вработени.

Прочитај повеќе...

Посетеност

Денес121
Вчера133
Оваа недела944
Овој месец944

Моментално посетители

1
Онлајн

2022-08-07

Политика за колачиња