Галерија

Проектот „НАШИТЕ СЕМЕЈСТВА“ во ЈДГ „Весели Цветови“

Проектот „НАШИТЕ СЕМЕЈСТВА“ во ЈДГ „Весели Цветови“ – на општина Кисела Вода во Град Скопје започна на 01.11.2023 година. Истиот се реализира во соработка со Здружението за заштита на правата на децата, а е поддржан од Град Скопје.

            На 01.11.2023 година во просториите на објект Сончоглед беше презентиран проектот од страна на Маја Георгива Павловски која е координатор од Здружението за заштита на правата на децата. На презентацијата учествуваа сите воспитувачи од ЈДГ „Весели Цветови“ – на општина Кисела Вода во Град Скопје, како и стручните работници: социјален работник, педагог и логопед.

            Од нашата јавна детска градинка координатор е м-р Габриела Стојановска – воспитувач, а евалуатор на проектните активности е Весна Блажевска – стручен работник, социјален работник. Досега проектните активности се реализирани во три објекти, и тоа: Сончоглед со воспитните групи 3-4, 4-5 и 5-6 години, Мимоза со воспитните групи 4-5 и 5-6 години, како и во објект Перуника со воспитната хетерогена група 4-6 години. Децата преку цртежи го прикажуваа своето семејство, бидејќи крајната цел на проектот е стручни лица да добијат резултати во однос на тоа колку од семејствата се функционални, односно дисфункционални и да се согледа колку и на каков начин разводот помеѓу брачните партнери влијае врз правилниот раст и развој на децата од предучилишна возраст.

            Во следниот период истите проектни активности ќе се реализираат во уште четири објекти во рамките на ЈДГ „Весели Цветови“ – на општина Кисела Вода во Град Скопје.

                                                        slika1.png

 

 

slika2.jpg

 

 

 

 

 

За Нас

Градинката Весели Цветови започнала со работа во далечната 1945 година во Скопје.

По ослободувањето на нашата земја, на 15 Март 1945 година, Народниот одбор на Скопската околија ја формирала установата "Мирче Ацев". 
Градинката почнала да работи во станбена зграда со 20 деца и 3 вработени.

Прочитај повеќе...

Посетеност

Денес31
Вчера228
Оваа недела1254
Овој месец259

Моментално посетители

1
Онлајн

2024-03-02

Политика за колачиња