На ден 28.10.2025 година прдолживме со воспитно - образовните активности во објект Сончоглед, со цел уште повеќе да ги збогатиме содржините и на партнерите од Словенија уште повеќе им ја прикажеме и доближиме нашата култура и традиција, но во исто време им покажеме на кој начин, заедно со децата реализираме воспитно - образовни активности за подигнување на свеста од најрана возраст за заштита и чување на здрава животна средина. Најпрво, им го покажавме нашето ЕКО - КАТЧЕ, кое благодарение на воспитувач Елена Гоговска е опремено во соработка со Здружението на граѓани ЕКО - ЛОГИК. Истовремено, социјалниот работник Весна Блажевска им објасни на партнерите кои други Програми ги реализираме заедно со родителите и децата, како и каков вид на советувалишна помош и поддршка можат да добијат родителите и децата. Се разговараше за Програмата Вешто Родителство, за проектот Место за растење - општини посветени на децата, за поттикнување на инклузивна клима, за примената на асистивна и аугментативна технологија, но и за примена на НТЦ техники при индивидуална и групна работа со децата.
После посетата на ЕКО-КАТЧЕТО, во салата во објект Сончоглед, заедно со децата воспитувач Елена Гоговска и социјален работник Весна Блажевска изведоа експеримент: ШТО И СЕ СЛУЧУВА НА ЖИВОТНАТА СРЕДИНА И НА ПЛАНЕТАТА ЗЕМЈА ДОКОЛКУ ЈА ЗАГАДУВАМЕ!?
Радоста на децата беше неизмерна, но и воодушевувањето на гостите, кои од децата беа прифатени на најдобар можен начин - онака како што децата тоа го знаат: ИСКРЕНО, ЧИСТО И ОТВОРЕНО!
Во вечерните часови, организравме заедничка прошетка во Старата Скопска Чаршија, каде имавме заедничка дружба во традиционален македонски ресторан со традиционална македонска музика, храна и амбиент. Оваа заедничка неформална дружба со своето присуство ја оплеменија и претставнички од општина Кисела Вода: советник во Секторот за образование, предучилишно воспитување, спорт и култура - Валентина Цветковска и Советник во Одделението за предучилишно воспитување - Охрида Арсовска при Општина Кисела Вода.
