На 30.10.2025 година воспитно - образовните активности како дел од целта на Job Shadow ги продолживме во објкет Кокиче. И тука, согласно македонската традиција и препознатливата гостопримливост, вработените во ЈДГ „весели Цветови" - на општина Кисела Вода во Град Скопје од овој објект организраа и реализраа заедно со децата нешто што гостите и партнерите од Словенија посебно ги изненади. Имено, станува збор за воспитно - образовна активност која во нашата предучилишна установа се реализира секоја есен, а тоа е заедничка подготовка на зимница со цел подготвени да ја дочекаме БАБА ЗИМА.
Одговорниот воспитувач на објект Кокиче, Јулијана Илиева, заедно со воспитувач Фросина Канзурова и децата од воспитната група 5 до 6 години, на еден спонтан начин, не само што ја подготвија ТУРШИЈАТА, туку и гостите од Словенија ги вклучија во активноста и тие помогнаа ЗЕЛЕНЧУЦИТЕ ставени во тегла да добијат посебен вкус исполнет со спомени.
