Работилница под наслов: ОДБИРАМЕ ЕМОЦИИ е за на web страната и е наменета за родителите.
ТЕМА:
„ОДБИРАМЕ ЕМОЦИИ“
Најмили дечиња, ајде да си играте во семејството со емоциите. Кажете им на членовите од семејството на ливчиња да ви нацртаат повеќе изрази на лица со емоции, и тоа секој израз со емоција два пати. Е откако тоа сте го направиле, играта може да започне. А играта се реализира на следниот начин:
- Ливчињата/картичките со изрази на емоции ги редиме на под во најомилената соба на детето и тоа свртени од страната каде нема да се гледа емоцијата.
- Детето отвора по две картички.
- Ако не се појавиле две исти картички, повторно се превртуваат од спротивната страна.
- Ако детето погодило две исти емоции, го прашувате детето што значи таа емоција и кога последен пат детето се чувствувало како конкретната емоција.
- Играта трае се додека не се отворени сите картички и додека не се разговарало за сите нацртани изрази на емоции.
- Потребно е да нацртате минимум 5 изрази на емоции, што значи да имате минимум 10 картички.
Цел: развивање мемориски вештини; препознавање на емоциите; развивање социо-емоционални компетенции.