Меѓународниот ден на детето кој е на 20-ти ноември, ЈДГ „Весели Цветови" - на општина Кисела Вода во Град Скопје го одбележа на мошне симболичен начин, но начин кој остава и ќе остане трајна вредност за децата и за нашата установа.
Четири вработени од ЈДГ „Весели Цветови" - на општина Кисела Вода во Град Скопје, кои се дел од Првиот Локален совет за унапредување на правата на децата во општина Кисела Вода, кој како советодавно тело е прво во нашата држава и единствено меѓу општините, учествуваа на Првата Конститутивна седница на Локалниот совет за унапредување на правата на децата во општина Кисела Вода. Овој настан го отвори Претседателот на Совет на општина Кисела Вода, г-ѓа Светлана Колариќ, а потоа конституирањето на советодавното тело го водеше г-ѓа Валентина Цветковска - Советник во Секторот за образование, предучилишно воспитување, спорт и култура при општина Кисела Вода.
Зошто е ова особено важно за нашата градинка? Најпрво преку членството на вработените: Елена Гоговска - воспитувач, Габриела Стојановска - воспитувач, Клементина Петрушевска - воспитувач и Весна Блажевска - социјален работник. Второ, Весна Блажевска беше избрана за првиот претседател на Локалниот совет за унапредување на правата на децата во општина Кисела Вода.
