Галерија

Летување на село

ТЕМА НА НЕДЕЛАТА: Летни патувања и доживувања  

ДАТА: 02.07.2020

РЕАЛИЗАТОР: АЛЕКСАНДРА АТАНАСОВА


АСПЕКТ НА РАЗВОЈ: Развој на јазик, описменување и комуникација


НАСЛОВ НА ТЕМА: Летување на село


АКТИВНОСТ:

1. Говорна игра, разговор

Потребни материјали:

  • текст
  • детска литература
  • слики

Тргнуваме,патуваме

Ќе летуваме,се радуваме

Ко сиренца сме сега бели

А дома ќе се вратиме здрави,исончани цели

1
2

Дарко се подготвува и си пее. Радосен e затоа што летниот распуст ќе го помине кај баба и дедо на село.Но неговото другарче Марко, не можеше да го разбере Дарко. Зашто толку се радува на летување на село. На село нема езеро, море, плажа, што ќе прави - го праша Марко своето другарче Дарко. 

3

Многу е убаво на село еве еден пример што зборува на дело-вели Дарко.

,,Во село луѓето и животните другаруваат, во се си помагаат и се почитуваат. Наутро петелот ме буди,а баба варено јајце за појадок  ми нуди,а исто така додека зелник  ми меси јас си играм со кучето Леси.Со дедо молзено млеко си пијам и убаво си спијам.Во дворот многу леи се насадени со зеленчук-марулки, кромид, лук, краставица, магдонос - здрава природна храна - вели баба ми за детство без мана. Од дворот баба ми носи дома полни кошници компири, моркови, зелки, боранија и карфиол.

На едниот крај од нашиот двор се наоѓа шталата. Во неа живеат сивата крава со шареното теленце, магарето, овците и јагнињата.

Од далеку се слуша гласот на жетварите,а поточето жубурка и не кани на игра. Ливадата е најубавата книга на природата.Тука цвеќињата слободно  цветаат и мирисаат,а сонцето со своите зраци нежно ги гали.Пеперутките летаат насекаде,се радуваат на разнобојните цвеќиња  и никогаш не ја завршуваат својата весела игра.Пајаците плетат мрежа,мравките од утро до вечер собираат зрнца,а пчелите летаат од цвет на цвет.

Штурчињата свират, скакулците скокаат, а светулките во ноќта светат.

Колку само смешни и забавни игри се играат во дворот на баба и дедо, a на водените игри им нема крај затоа што цревото е пуштено до бескрај.

Такво е летото на село. Топло, богато, миризливо и смело.

4
5
6

2. Говорна креативна активност

 Родителот по краток разговор со своето дете,ја започнува реченицата,а детето користејќи ја својата фантазија ја дополнува реченицата

 Дарко се подготвува................................................................

 Другарчето Марко го прашува...............................................

 Летото на село е.......................................................................

 Цвеќињата цветаат..................................................................

 Штурчињата..............................................................................

 Скакулците................................................................................

 Во дворот на баба и дедо се...................................................


 3. Музичка игра

https://youtu.be/nQJ0mmZGRZs


ЦЕЛИ:

  • Детето да се воведува во користење на говорот како средство за изразување на своите мисли, чувства, доживувања.
  • Детето да  учествува во говорни игри(дополни ја реченицата,продолжи ја приказната).

За Нас

Градинката Весели Цветови започнала со работа во далечната 1945 година во Скопје.

По ослободувањето на нашата земја, на 15 Март 1945 година, Народниот одбор на Скопската околија ја формирала установата "Мирче Ацев". 
Градинката почнала да работи во станбена зграда со 20 деца и 3 вработени.

Прочитај повеќе...

Посетеност

Денес216
Вчера351
Оваа недела1465
Овој месец6797

Моментално посетители

3
Онлајн

2024-03-29

Политика за колачиња