ТЕМА НА НЕДЕЛАТА: Летни радости
ДАТА: 21.07.2020
РЕАЛИЗАТОР: Јулијана Димитриевска
АСПЕКТ НА РАЗВОЈ: Социоемоционален развој
НАСЛОВ НА ТЕМА: Летен споменар
АКТИВНОСТ:
1. Разговор,слики,текст.
Потребни материјали:
- Текст -,, Кој е поубав ?,,
- илустрации.
Што е календар? Разгледајте ја оваа слика и по нацртаните промени ( во времето и природата ) препознајте ги и именувајте ги сите годишни времиња.
Годината наша мила,
четири годишни времиња има,
пролет , лето , есен и студената зима,
сите во календар збрани.
Дали знаете кое годишно време е поубаво?
Не знаете? Добро. Седнете удобно и слушнете ја приказната:
Еднаш многу одамна, настанала збрка во календарот. Се смешале годишните времиња, па се случило да се сретнат есента и пролетта. Се погледнале и двете одеднаш рекле:
- Гледаш, јас сум поубава од тебе?! – рече пролетта.
- Еееее, не! Поубава сум јас. – рече есента.
- Како не, јас имам зелени ливади, шарени цветови, распеани птици, децата мене повеќе ме сакаат. – рекла пролетта.
- А јас имам прекрасна златна облека, зрели овошки, грозје... Затоа мене децата , повеќе ме сакаат. – рекла есентта
Долго време се расправале која е поубава. А зимата си стоела на своето место во календарот и се смешкала . За да не дојде до караница тие решиле да ги прашаат децата. А тие одговориле:
- Најмногу го сакаме летото!
- Ааааа? – зачудено се погледнале пролетта и есента. А зошто?- прашале тие.
- Преку летото ние сме слободни Не одиме во градинка и училиште па можеме да трчаме, да скокаме, да танцуваме, да пливаме и да вежбаме. Со родителите се договараме каде да одиме на одмор: на планина, на река, езеро или во село. Каде и да појдеме треба опрема да носиме (капа, наочари, шише со вода...) да се заштитиме, рачиња да миеме и здрава храна да јадеме. Околината да ја чуваме, прекрасно да си поминеме и со насмевка да се вратиме. А па и дома е убаво , пред нашата зграда, куќа , во паркче . Со другарчињата да си раскажуваме, за нашите летни игри и спомени – цртежи да си нацртаме , па да си покажеме.
- Кога го слушнале ова , пролетта и есента засрамено си ги наведнале главите и веднаш си застанале на своето место во календарот.
- -Деца , се надевам дека Ви се допадна приказната за календарот и годишните времиња . А и нешто повеќе научивте .
Сите годишни времиња се убави , секое на свој начин . Најважно е да бидете - здрави , среќни , весели , насмеани , растрчани боси . . За своите чувства - емоции ( среќа , тага , лутина или изненаденост ) каде и да одите , да разговарате со вашите родители и блиски . По потреба да ги решите . Сите ваши интересни посети , дружења може да ги нацртате, насликате , објаснете , а потоа да вметнете точно знакче ( емотикон ) во вашата прва книга за деца .
Растете деца,
ширете љубов,
прекрасен е Светот
и животот е убав.
2. Практична креативна активност.
Потребни материјали:
- листови А4 формат ( бели и во боја ) ,
- фломастери ,
- темперни бои ,
- дрвени – воштени бои ,
- ножички ,
- молив ,
- папка и
- перфоратор
Прва ликовна игра
Мали креатори - изработка на емотикони
Втора ликовна игра
Мали креатори – oд вашите летни спомени – вашите цртежи, изработки , да ја направите вашата прва книга – “Летен споменар“. Ако Ви се допадне оваа идеа и натаму може да си ги направите вашите – втора книга - ,,Есенски споменар,,, трета – Зимски споменар,, и четврта книга за деца - ,, Пролетен споменар,,.
Мојата прва книга за деца - ,, Летен споменар,,
3. Музичка игра,,
Мал фестивал: ,,Росица,, - ,,Лето,,
ЦЕЛИ:
- Негување и развивање на социјалната и емоционална интелигенција.
- Споделување на информации ( впечатоци ) за себе со други деца.
- Препознавање и именување на своите и тугите чувства , развој на емпатија , сигурност , доверба и прифатеност.