Гатанки, стихови за лето

ТЕМА НА НЕДЕЛАТА : ЛЕТНИ РАДОСТИ

ДАТА : 23.07.2020

РЕАЛИЗАТОР : АЛЕКСАНДРА СИМЈАНОСКА


АСПЕКТ НА РАЗВОЈ : Развој на јазик, описменување и комуникација.


НАСЛОВ НА ТЕМА : СТИХОВИ, ГАТАНКИ ЗА ЛЕТО


АКТИВНОСТ :

1. Говорна игра / гатанки...стихови за лето

    *Потребни материјали :

  • слики
  • илустрации
  • детска литература, детско списание ,,Росица,,

1

 –Летооо еее!Токму така дечиња. Најтоплото годишно време е со нас. Секој од нас за одмор се подготвува и планира кога на одмор ке поаѓа, а некој можеби и веќе е на плажа и ужива. Ајде заедно да се потсетиме и да погодуваме преку гатанки кои се промените и богатството што ни го нуди летото.

Лицето му е златно, насмевката му е врела, ги милува сите деца од планетата цела.  Што е тоа?
ТОА Е ... (СОНЦЕ)

Без мене не можат цвеќињата, без мене не можат ни полињата ако не ги посетам на време секој почнува да дреме, а дојдам ли, погледнете и вие, секој бега од мене и се крие. Што е тоа?
ТОА Е ...(ДОЖД)

Како сребро блеска низ зелена трева, во езеро, море, најчесто се слева. Што е тоа?
ТОА Е ... (РЕКА)

Слатка е меденица штом е сочна, зрела, а добро разладена би ја изел
ТОА Е ... (ЛУБЕНИЦА)

Напролет е зелена в есен жолта, црвена, во вода се дави, а од неа ајвар и пинџур се прави. Што е тоа?
ТОА Е ... (ПИПЕРКА)

Зеленчук сум многу здрав, со колецот растам прав, плодот ми е црвен, зрел, за салати служам, со сите се дружам. Ај, касни ме дете, зини, имам многу витамини. Што е тоа?
ТОА Е ... (ДОМАТ)

Браво дечиња! Ајде сега да научиме неколку стихови за летото и заедно да ги пофториме.

ЛЕТОТО НЕ ВИКА

Во своите прегратки
летото не вика,
на сонце, на плажа –
најубава слика.

Сакам да се сончам
ама и да пливам,
во природа одам
и така си уживам.

 Ќе играме сите
низ ливади цветни,
крај езера, реки
во денови летни.


2. Ликовно - креативна активност / кофичка

*Потребни материјали

  • бел лист од блок бр.3
  • дрвени боички-фломастери

2


3. Математичка игра

  • Доцртај ги елементите во множествата според дадениот број

3


ЦЕЛИ:

  • Детето го збогатува својот речник и правилен говор, учествува во говорна игра-гатанка и точно погодува.
  • Да се развива фината моторика (контрола на дланките и прстите).
  • Детето ја поврзува (надополнува) количината со симболот (цифрата) на бројот.