На ден 09.10.2025 година во ЈДГ „Весели Цветови" - на општина Кисела Вода во Град Скопје, во организација на стручен работник - социјален работник Весна Блажевска, вработените во објект Сончоглед и В.Д.Директор Славица Брајковска, се одбележа Детската Недела со еден прекрасен настан. Во објектот Сончоглед, во присуство на децата кои се згрижени во истиот, на наше огромно задоволство и чест, присуствуваа претставници од Канцеларијата на Омбдусманот, каде г-ѓа, м-р Васка Бајрамовска Мустафа на многу креативен начин на децата од предучилишна возраст им ги објасни нивните права. Атмосферата изнуди безброј насмевки, а среќата на сите не можеше да не се забележи. Воедно, на овој настан присуствуваа и група родители, кои воедно можеа да слушнат и да се информираат на кој начин може секој од нас да придонесе за заштита и унапредување на ПРАВАТА НА СЕКОЕ ДЕТЕ!
