Галерија

Автомобили, автобуси, камиони

ТЕМА НА НЕДЕЛАТА: УЛИЦА - ВРВУЛИЦА

ДАТА: 18.05.2020 г.

РЕАЛИЗАТОР: ИВАНКА БОГОЕВ


АСПЕКТ НА РАЗВОЈ:  Физичко здравје и моторен развој


СТАНДАРД: Детето може да ги користи своите сетила (вид, слух, допир, мирис, вкус) за регулирање на движењето


ТЕМА НА ДЕНОТ:   АВТОМОБИЛИ, АВТОБУСИ, КАМИОНИ.


АКТИВНОСТИ:

1. Говорна игра/разговор по слики/гатанки

* Потребни материјали:

  • детска литература
  • едукативна емисија
  • слики
  • илустрации

Патниот сообраќај се дели на:

  • индивидуален (автомобили)
  • јавен (автобуси)
  • товарен (камиони)
01
02
03

*Автомобил е моторно возило за превоз на патници.

Кога се возиш во автомобил, секогаш врзувај го безбедносниот појас. Внимавај на патот и мирно реагирај на секоја ситуација. Не ги отворај прозорците непотребно. Биди добар совозач и не му пречи на возачот додека управува со возилото. Слушај ги советите од возачот и излегувај од автомобилот само кога тој ќе ти дозволи.

Кога ги отвораш вратите и излегуваш, прво провери дали има други учесници во сообраќајот околу автомобилот, па потоа излези од него.

*Автобус е моторно возило за превоз на седум и повеќе лица.

Јавниот превоз е за сите нас. Токму затоа, сите ние треба да се грижиме тој да остане функционален и да не го оштетуваме. Чекај го автобусот исклучиво на места кои се обележани за таа намена. Доколку го пропуштиш автобусот и вратите се затворат, почекај го наредниот автобус. Без туркање качи се во автобусот и најди го своето место. Не станувај за време на возењето бидејќи инерцијата те прави нестабилен. Кога ќе се приближиш до твојата станица, чекај автобусот да запре и тогаш стани. Без туркање симни се од автобусот. Никогаш не ја преминувај улицата со трчање пред или после автобусот. Почекај да помине автобусот, погледни внимателно и одбери вистинско време, но и вистинско место на кое безбедно ќе ја преминеш улицата.

Камион е товарно моторно возило. Во зависност од конструкцијата и намената, камионот може да биде:

  • кипер ( камион со подвижна каросерија за истовар на стока)
  • цистерна (камион со резервоар за пренесување на течност)
  • шлепер (камион за влечење на една или повеќе приколки)
04
05
06

Погоди ги гатанките:

                                   - „За голем товар створен сум јас,

                                                                      бавен, но со силен глас.

                                                  Потежок од слон,

                                            јас сум деца  к _ _ _ _ н“.

                      - Во него човек до човек,                                          

                        па мама ми вели често:                                                  - Место вода, бензин пие,  

                „Кога ќе видиш постар да стои,                                                на тркала куќа ни’ е!

                        ти отстапи му место.“                                                             (А _ _ _ _ _ _ _ л)

                               (А _ _ _ _ _ с)

 


Едукативна емисија „Сообраќаен буквар“

„Деца во возило“ https://youtu.be/dl2LFeiVGlg

„Деца во автобус“ https://youtu.be/bSQaRJDznHk


2. Практична/ликовна активност

*Потребни материјали:

  • ножички
  • ролни од тоалетна хартија
  • темперни бои
  • четки
  • картон
  • лепак
  • украсна хартија, налепници по избор

Изработка на автомобилче

07
08
09
10

3. Музичко подвижна игра

  „Сакам кола убава“ https://youtu.be/nPTizAKwmws

 „Автобусот вози секој ден“ https://youtu.be/FFIDTGC4Nnk

„Супер камионче“ https://youtu.be/uy8LI9amEIg


 ЦЕЛИ:

  • Осознавање на видовите возила кои најчесто се движат во непосредната околина (нивниот изглед, големина, функција, брзина и сл.).
  • Развивање на спретност во користењето на материјалите и алатот за работа (ножички, лепак, бои, четки и сл.).

 ИНДИКАТОРИ/КОМПЕТЕНЦИИ:

  • Детето изведува креативни конструкции од разновиден материјал.
  • Детето рамислува гласно и зборува додека е ангажирано во одредена активност.

За Нас

Градинката Весели Цветови започнала со работа во далечната 1945 година во Скопје.

По ослободувањето на нашата земја, на 15 Март 1945 година, Народниот одбор на Скопската околија ја формирала установата "Мирче Ацев". 
Градинката почнала да работи во станбена зграда со 20 деца и 3 вработени.

Прочитај повеќе...

Посетеност

Денес296
Вчера351
Оваа недела1545
Овој месец6877

Моментално посетители

3
Онлајн

2024-03-29

Политика за колачиња