Достојно преставување на градинка ЈДГ,, Весели Цветови,, - Општина Кисела Вода на петата регионална конференција на ,,АСОЦИЈАЦИЈАТА НА НАЈДОБРИ НАСТАВНИЦИ НА ЕКС ЈУ,,
На конференцијата тимот од градинката го претставуваше Директорката на градинката М-р Габриела Стојановска и Клементина Петрушевска воспитувач во градинката со долгогодишно работно искуство во професијата.
На образовниот саем градинката беше презентирана на изложбен штанд со рекламен материјал од градинката и општината, рачни изработки, мотивацоини пораки, како и изданија и фотографии од реализирани воспитно- образовни активности со децата од градинката.
На конференцијата тимот од градинката се здоби со благодарници за учество на образовниот саем, сертификати за несебична поддршка и афирмација на професијата во земјите на просторот на бивша Југославија, диплома за најоргинални мотивациони пораки како тим ,, МАКЕДОНИЈА МОТИВИРА,, и специјална награда со титула ,, НАЈДОБАР НАСТАВНИК ВО БИВША ЈУГОСЛАВИЈА,, доделена на Клементина Петрушевска, воспитувач во градинката за успешно реализирани активности, признанија и награди од областа на предучилишното воспитание и образование за деца од предучилишна возраст како и афирмација на професијата преку учество во проекти и настани за унапредување на раниот детски развој. Голема привилегија и чест е да се претставува својата татковина во регионот, а поддршката од соработниците и локалната самоуправа е од големо значење. Посветеноста и успехот е плод на меѓусебна поддршка, мотивација и соработка низ годините. Се радуваме заедно за секој успех!
