ТЕМА НА НЕДЕЛАТА: СООБРАЌАЈНИ ПРАВИЛА
ДАТА: 03.06.2020
РЕАЛИЗАТОР: ЈУЛИЈА СМИЉАНОВСКА
АСПЕКТ НА РАЗВОЈ: ПРИСТАП КОН УЧЕЊЕ
СТАНДАРД: ДЕТЕТО МОЖЕ ДА НАУЧИ НОВИ РАБОТИ И ДА СТЕКНЕ НОВИ ИСКУСТВА
НАСЛОВ НА ТЕМА: ШТО ПОКАЖУВА СЕМАФОРОТ?
АКТИВНОСТИ:
1. Говорна игра/ разговор
*Потребни материјали:
- слики
- илустрации
- детска литература
- Сообраќајните знаци се знаци според кои се однесуваме во сообраќајот.
- Тие ни забрануваат движење, ни објаснуваат какви опасности има на патот и не известуваат за тоа што и каде се наоѓа.
- Задолжително е нивно почитување од сите учесници во сообраќајот.
- Сообраќајните знаци се исти во целиот свет.
ШТО ПОКАЖУВА СЕМАФОРОТ ?
Семафорот е светлосен знак.
Постојат два вида на семафори:
семафор за пешаци:
- Додека свети црвеното човече на семафорот за пешаци треба да почекаме мирно, затоа што не е безбедно да ја преминеме улицата.
- Кога ќе светне зеленото човече, можеме безбедно да ја преминеме улицата.
семафор за автомобили:
- Може ли да си замислиме како ќе се разминат сите овие автомобили, доколку нема семафор на крстосницата, како на сликата? Невозможно е нели.
- Затоа постојат семафорите. Тие имаат правила кои ние треба да ги знаеме и почитуваме.
Тие се составени од три светла: црвено, жолто и зелено.
Овие бои означуваат:
Црвено: се наоѓа најгоре на секој семафор. Тоа значи запирање на автомобилите и чекање додека не дојде другото светло на ред;
Жолто: се наоѓа помеѓу црвеното и зеленото светло. Тоа означува припрема;
Зелено: се наоѓа најдолу на семафорот и значи поаѓање.
2. Гледање на видео
Ќе го погледнеме видеото ,,Сообраќаен буквар,,
https://www.youtube.com/watch?v=_4O6a01KGzw
3. Занимливости за семафорот:
Без нив сигурно би било хаотично на сообраќајните раскрсници. Сите ги почитуваме и тие се еден од најважните за безбедноста.
Првиот семафор во светот бил поставен во 1868 година во Лондон и бил составен од плински светилки. Со нив се управувало рачно, а работеле само навечер.
Првите семафори на струја пак, се воведени во Детроит во 1912 година и претставуваат основа на модерните семафори.
Дали знаете зошто светилките се во црвена, жолта и зелена боја?
Лестер Вајр кој го контролирал првиот семафор користел кутија со светилки во две бои и тоа црвена за застанување и зелена за тргнување како и ѕвонче со кое се предупредувале пешаците дека ќе се промени светлото.
- Црвената боја е избрана неслучајно. Тоа е боја која во психологијата на луѓето асоцира и предизвикува страв, опасност, сила, насилство, оган, а сите овие појави предизвикуваат големо внимание. Оттука како боја која предизвикува најголемо внимание избрана е црвената боја како боја кога треба да се обрне внимание односно застане.
- Зелената боја пак, е поврзана со природата, плодноста и сигурноста. Таа на психологијата на човекот делува смирувачки. Оттука таа се користи како известување за возачите дека тие би биле сигурни и безбедни доколку поминат кога на семафорот е вклучена оваа боја.
- Жолтата била конечна прифатена како знак за предупредување бидејќи е позабележлива од зелената, но не е толку изразена како црвената боја.
4. Музичка активност ,,Сообраќај,,
https://www.youtube.com/watch?v=l2baP0DZ580
5. Креативна практична активност: Изработка на ,,Семафор,,
https://www.pinterest.com/pin/338684834481387109/
https://www.youtube.com/watch?v=ewwg_qbGkd4
Дополнителни примери за активност:
Понудете му на детето неколку различни модели и техники на изработка, па тоа само нека одлучи која техника ќе ја работи.
ЦЕЛИ:
- Да се поттикнува кон поставување прашања за непознати предмети, лица и настани.
- Да се развива способноста за искористување на играта и игровните активности во функција на учење и откривање.
ИНДИКАТОРИ:
- Поставува прашања за нешто што го интересира.
- Може со свои зборови да ги искаже стекнатите знаења.